قازاقستان رەسپۋبليكاسى ىشكى ىستەر مينيسترلىگىنىڭ بۇيرىعى №154 

2015 جىلعى 25 اقپان ,استانا قالاسى «ازاماتتىق قورعاۋ سالاسىنداعى ۋاكىلەتتى ورگان جەدەل رەزەرۆىنىڭ ماتەريالدىق قۇندىلىقتارىمەن وپەراتسيا جۇرگىزۋ, ولاردىڭ ورنىن اۋىستىرۋ, پايدالانۋ, تولىقتىرۋ قاعيدالارىن بەكىتۋ تۋرالى» قازاقستان رەسپۋبليكاسى توتەنشە جاعدايلار ءمينيسترىنىڭ 2014 جىلعى 16 مامىرداعى № 225 بۇيرىعىنا وزگەرىستەر ەنگىزۋ تۋرالى «ازاماتتىق قورعاۋ تۋرالى» 2014 جىلعى 11 ساۋىردەگى قازاقستان رەسپۋبليكاسى زاڭىنىڭ 12-بابى 1-تارماعىنىڭ 4) تارماقشاسىنا سايكەس بۇيىرامىن: 1. «ازاماتتىق قورعاۋ سالاسىنداعى ۋاكىلەتتى ورگان جەدەل رەزەرۆىنىڭ ماتەريالدىق قۇندىلىقتارىمەن وپەراتسيا جۇرگىزۋ, ولاردىڭ ورنىن اۋىستىرۋ, پايدالانۋ, تولىقتىرۋ قاعيدالارىن بەكىتۋ تۋرالى» قازاقستان رەسپۋبليكاسى توتەنشە جاعدايلار ءمينيسترىنىڭ 2014 جىلعى 16 مامىرداعى № 225 بۇيرىعىنا (نورماتيۆتىك قۇقىقتىق اكتىلەر تىزىلىمىندە № 9508 تىركەلگەن, «ادىلەت» اقپاراتتىق-قۇقىقتىق جۇيەسىندە 2014 جىلعى 4 شىلدەدە جاريالانعان) مىناداي وزگەرىستەر ەنگىزىلسىن: بۇيرىقتىڭ 2-تارماعى مىناداي رەداكتسيادا جازىلسىن: «2. قازاقستان رەسپۋبليكاسى ىشكى ىستەر مينيسترلىگىنىڭ توتەنشە جاعدايلار كوميتەتى وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى جانە ونى مەرزiمدi باسپا باسىلىمدارىندا جانە «ادiلەت» اقپاراتتىق-قۇقىقتىق جۇيەسiندە جاريالاۋدى قامتاماسىز ەتسىن. »; بۇيرىقتىڭ 3-تارماعى مىناداي رەداكتسيادا جازىلسىن: «3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ىشكى ىستەر مينيسترلىگى توتەنشە جاعدايلار كوميتەتىنىڭ توراعاسىنا (ۆ.ۆ. پەتروۆ) جۇكتەلسىن. »; كورسەتىلگەن بۇيرىقپەن بەكىتىلگەن ازاماتتىق قورعاۋ سالاسىنداعى ۋاكىلەتتى ورگاننىڭ جەدەل رەزەرۆىنىڭ ماتەريالدىق قۇندىلىقتارىمەن وپەراتسيا جۇرگىزۋ, ولاردىڭ ورنىن اۋىستىرۋ, پايدالانۋ, تولىقتىرۋ قاعيدالارىندا: 1-تارماقتىڭ 10) تارماقشاسى مىناداي رەداكتسيادا جازىلسىن: «10) جەدەل رەزەرۆتى ۇيلەستىرۋشى – جەدەل رەزەرۆتىڭ ماتەريالدىق قۇندىلىقتارىمەن وپەراتسيانىڭ جۇرگىزىلۋىن باقىلاۋدى جۇزەگە اسىراتىن قازاقستان رەسپۋبليكاسى ۇلتتىق ۇلانىنىڭ باس قولباسشىلىعى.»; 3-تارماق مىناداي رەداكتسيادا جازىلسىن: «3. قازاقستان رەسپۋبليكاسى ىشكى ىستەر مينيسترلىگىنىڭ (بۇدان ءارى – مينيسترلىك) مىندەتى جەدەل رەزەرۆتى قۇرۋ جانە قولدانۋ بولىپ تابىلادى.»; 8-تارماقتىڭ 1) جانە 2) تارماقشالارى مىناداي رەداكتسيادا جازىلسىن: «1) دارىلىك زاتتار مەن مەديتسينالىق ماقساتتاعى بۇيىمدار – مينيسترلىكتىڭ توتەنشە جاعدايلار كوميتەتى (بۇدان ءارى – كوميتەت) «اپاتتار مەديتسيناسى ورتالىعى» مەملەكەتتىك مەكەمەسىنىڭ (بۇدان ءارى – «اپاتتار مەديتسيناسى ورتالىعى» مم) ۆەدومستۆولىق باعىنىستى ۇيىمدارىندا; 2) تەحنيكا, شاتىرلار, شارۋاشىلىق مۇلكى, تاماق ونىمدەرى, جانار-جاعار ماي ماتەريالدارى, زاتتاي م ۇلىك, گيگيەنالىق قۇرالدار, كەڭسە تاۋارلارى, بايلانىس قۇرالدارى – قازاقستان رەسپۋبليكاسى ۇلتتىق ۇلانىنىڭ ازاماتتىق قورعانىس اسكەري بولىمدەرىندە (بۇدان ءارى – ازاماتتىق قورعانىس اسكەري بولىمدەرى) ساقتالادى.» 10 جانە 11-تارماقتار مىناداي رەداكتسيادا جازىلسىن: «10. «اپاتتار مەديتسيناسى ورتالىعى» مم ۆەدومستۆولىق باعىنىستى ۇيىمدارى, ازاماتتىق قورعانىس اسكەري بولىمدەرى ساقتاۋعا بەرىلگەن جەدەل رەزەرۆتىڭ ماتەريالدىق قۇندىلىقتارىنىڭ ساپالىق جانە ساندىق ساقتالۋىنا جاۋاپكەرشىلىكتە بولادى. 11. جەدەل رەزەرۆتى شىعارۋ (پايدالانۋ) كوميتەتتىڭ ۇسىنىسىمەن جانە ودان ءارى ىشكى ىستەر ءمينيسترىنىڭ نەمەسە ونىڭ مىندەتتەرىن اتقاراتىن مينيستر ورىنباسارىنىڭ شەشىمىمەن جۇزەگە اسىرىلادى.»; 15 جانە 16-تارماقتار مىناداي رەداكتسيادا جازىلسىن: «15. ماقساتى بويىنشا پايدالانعاننان كەيىن تەحنيكا, شاتىرلار, شارۋاشىلىق مۇلكى, بايلانىس قۇرالدارى ءتيىستى تەحنيكالىق قىزمەت كورسەتۋگە (جوندەۋگە) جانە ودان ءارى جەدەل رەزەرۆكە سالۋعا جاتادى. 16. جەدەل رەزەرۆتىڭ ماتەريالدىق قۇندىلىقتارىن ساقتاۋ ورىندارىنان ماقساتى بويىنشا پايدالانۋ ورىندارىنا دەيىن جانە كەرى ورنىن اۋىستىرۋ ىشكى ىستەر ءمينيسترىنىڭ شەشىمى بويىنشا كولىك قۇرالدارىمەن جۇزەگە اسىرىلادى.»; 19-تارماقتىڭ ءبىرىنشى بولىگى مىناداي رەداكتسيادا جازىلسىن: «جەدەل رەزەرۆتىڭ ماتەريالدىق قۇندىلىقتارىنىڭ جارامدىلىق (ساقتاۋ) مەرزىمدەرى اياقتالۋ كەزەڭىندە نەمەسە ماقساتقا ساي پايدالانعاننان كەيىن «اپاتتار مەديتسيناسى ورتالىعى» مم باسشىلارى جانە ازاماتتىق قورعا­نىس اسكەري بولىمدەرىنىڭ كومانديرلەرى جەدەل رەزەرۆتى ۇيلەستىرۋشىنىڭ اتىنا ولاردى جاڭارتۋعا ءوتىنىم بەرەدى, وندا جاڭار­تۋعا جاتاتىن ماتەريالدىق قۇندىلىقتاردى جاڭارتۋ سەبەبى, ولاردىڭ تىزبەسى, كولەمى (سانى) جانە قۇنى كورسەتىلەدى.»; 20-تارماق مىناداي رەداكتسيادا جازىلسىن: «20. بەرىلگەن وتىنىمدەر نەگىزىندە جەدەل رەزەرۆتى ۇيلەستىرۋشى قازاقستان رەسپۋبليكاسى ىشكى ىستەر ءمينيسترىنىڭ ءتيىستى بۇيرىعىن ازىرلەيدى, وندا جەدەل رەزەرۆتىڭ جاڭارتىلاتىن ماتەريالدىق قۇندىلىقتارىن ودان ءارى پايدالانۋ جانە تولتىرۋ ءتارتىبى كورسەتىلەدى.»; 21-تارماقتىڭ ءبىرىنشى بولىگى مىناداي رەداكتسيادا جازىلسىن: «21. جەدەل رەزەرۆتىڭ تاماق ونىمدەرىن ازاماتتىق قورعانىس اسكەري بولىمدەرىنىڭ اعىمداعى ۇلەسىنىڭ تاماق ونىمدەرى ەسەبىنەن تەڭ مولشەردە جاڭارتۋعا رۇقسات بەرىلەدى. بۇل رەتتە ونىمدەردىڭ سول نەمەسە وزگە اتاۋلارىنىڭ جارامدىلىق مەرزىمدەرىنە سايكەس جاڭارتۋ جوسپارلىلىعى ەسكەرىلەدى.»; 22-تارماق مىناداي رەداكتسيادا جازىلسىن: «22. دارىلىك زاتتاردى جانە مەديتسينالىق ماقساتتاعى بۇيىمداردى جاڭارتۋ «مەملەكەتتىك مەكەمەلەردە بۋحگال­­تەرلىك ەسەپ جۇرگىزۋ ەرەجەسىن بەكىتۋ تۋرالى» قازاقستان رەسپۋبليكاسى قارجى ءمينيسترىنىڭ 2010 جىلعى 3 تامىزداعى № 393 بۇيرىعىنىڭ «زاپاستاردى ەسەپكە الۋ ءتارتىبى» 8-تاراۋىنا جانە «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 79-بابىنا سايكەس جۇزەگە اسىرىلادى.». 2. قازاقستان رەسپۋبليكاسى ىشكى ىستەر مينيسترلىگىنىڭ توتەنشە جاعدايلار كوميتەتى (ۆ.ۆ. پەتروۆ) زاڭنامامەن بەلگىلەنگەن تارتىپتە: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىقتى مەملەكەتتiك تiركەلگەننەن كەيىن كۇنتiزبەلiك ون كۇن iشiندە ونى مەرزiمدi باسپا باسىلىمدارىندا جانە «ادiلەت» اقپاراتتىق-قۇقىقتىق جۇيەسiندە رەسمي جاريالاۋعا جولداۋدى; 3) وسى بۇيرىقتى قازاقستان رەسپۋبليكاسى Iشكi iستەر مينيسترلiگiنiڭ ينتەرنەت-رەسۋرسىندا ورنالاستىرۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ىشكى ىستەر ءمينيسترىنىڭ ورىنباسارى ۆ.ك. بوجكوعا جۇكتەلسىن. 4. وسى بۇيرىق العاشقى رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر پوليتسيا گەنەرال-لەيتەنانتى ق.قاسىموۆ بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 5 مامىرداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 10934 بولىپ ەنگىزىلدى.